Brosjyre ”Jis krijse jallh dåaroe båata”

Mijjen seabradahke lea staalhpan båeteme, dåaroeh lïhkes laanth tsevtsieh jïh feerlege veareldh leah sïejhmebe sjïdteme. Terrorisme, digitaale aajhtoeh jïh faelskies bïevnesh leah vuekine nuhtjesovveme mijjem laaredh jïh tsevtsedh. Sveerje lea aaj lïhtseginie Nato:sne sjïdteme. Dannasinie MSB lea ”Jis krijse jallh dåaroe båata”-brosjyrem tjaaleme. Jis edtjebe buektiehtidh aajhtoeh vuastalidh, mijjen lea ektie-dïedte ektesne barkedh jïh mijjen laantem vaarjelidh. Jis ammes faamoe mijjem laara, gaajhkesh dovnesh tjuerieh viehkiehtidh Sveerjen jïjtjeraarehkevoetem jïh mijjen demokratijem vaarjelidh. Vuastalimmie-faamoem biejjeste beajjan ektesne nænnoestibie. Datne leah biehkie Sveerjen ryöjredimmeste.

Rahkan 18 biejjien raajeste brosjyre gååvnese digitaale hammosne gelline gïeline, aaj åarjelsaemien gïelesne.

Lohkh brosjyrem ”Jis krijse jallh dåaroe båata” åarjelsaemien gïelesne

Gåessie brosjyre båata?

Sveerjengïeleh brosjyre gaajhkesidie vïjhte miljovnh gåetieguntide seedtesåvva rahkan 18 biejjien raajeste, jïh dej göökte båetije våhkoej. Brosjyre aaj fïerhtide digitaale påaste-sijjide seedtesåvva gosse deadtasovveme brosjyre lea gaajhkesidie båeteme. Brosjyre gååvnese aaj gelline gïeline mijjen hïejme-sæjrosne: msb.se.

Maam edtjh darjodh jis im leah brosjyrem åådtjeme?

Jis ih leah brosjyrem åådtjeme rahkan gaalhkuvisnie, maahta deadtasovveme brosjyrem mijjen hïejme-sæjroste dongkedh: msb.se. Sveerjengïeleh brosjyre påastine seedtesåvva, brosjyre jeatjah gïeline gååvnese digitaale hammosne msb.se hïejme-sæjrosne.

Maahtam brosjyrem åarjelsaemien gïelesne dongkedh?

Datne maahtah ajve brosjyrem gaskeviermeste vïedtjedh jis sïjhth dam åarjelsaemien gïelesne lohkedh.

Mejtie asvem damth?

Mijjieh staelhpies tïjjen veasoeminie mesnie jeenjh aajhtoeh mejstie maehtebe arhtijahtjedh jïh ov-jearsoes sjïdtedh. Jis asvem damth maahtah tjåenghkies bïevnesh sveerjen gïelesne gaavnedh krisinformation.se hïejme-sæjrosne.

Viehkie jis asvem damth daesnie gaavnh:

Gïem edtjh gaskesadtedh jis dov leah gyhtjelassh?

Jis sïjhth vielie daejredh brosjyren sisvegi bïjre maahtah vielie bïevnesh daesnie gaavnedh: msb.se.

Englaanten gïeleh hïejme-sæjrosne

Raerieh privatealmetjidie (sveerjengïelesne)

Jis ih vaestiedassem gaavnh, maahtah MSB:se rïngkedh: 0771-240 240 jallh e-påastem mijjese tjaeledh: broschyren@msb.se