Prosyri Jos kriisi elikkä sota tullee

Tilane mailmassa oon vakavasti huonontunnu, sota oon käynissä meän ulkomailmassa ja ekstreemi-ilmat tulevat yhä tavalisemaksi. Terroriuhkaa, syyperhyökkäyksiä ja väärää informasuunia käytethään ette loukata ja vaikuttaa meitä. Ruotti oon kansa menny matkhaan puolustusalianshiin Nato. Sen takia MSB oon laittanu prosyrin ”Jos kriisi elikkä sota tullee”. Ette vastustaa uhkia met tarttema pysyä yhessä ja ottaa vastuutta meän maasta. Jos meitä vasten hyökäthään kaikin häätyvät auttaa vastustamhaan Ruottin ittenhäisyyttä ja meän temokratiita. Vastustusvoimaa met rakenamma joka päivä yhessä. Sie olet osa Ruottin peretskaapista.

18 marraskuusta lähtien tämä prosyri tullee olheen tikitaalina usealla kielelä, muun muassa meänkielelä.

Lue prosyri ”Jos kriisi elikkä sota tullee” meänkielelä

Koskas mie saan minun prosyrin?

Lähätys ruottiksi kaikile rapea viiele miljoonalle huushollile alkaa 18 marraskuuta, ja oon käynissä suunile kaks viikkoa. Prosyri tulhaan kansa lähättämhään tikitaahliin preiviloohviin, jälkhiin ko painettu versuuni oon jaettu ulos. Prosyri eri kielilä tullee olheen tikitaalisti osotheela: msb.se.

Mitäs mie tehen jos mie en saa prosyriä?

Jos sie et ole saanu prosyriä marraskuun lopussa sie saatat tilata painetun versuunin osotheelta: msb.se. Prosyri lähätethään ruottiksi, käänetyt versuunit tulevat olheen tikitaalisti osotheela: msb.se.

Saatankos mie tilata prosyrin meänkielelä?

Prosyrin meänkielelä saattaa laajata alle vain tikitaalisti.

Olet kos sie kiusoissa?

Met elämä aikana jossako oon ukhaa joka saattaa aiheuttaa kiusaa ja epävarmuutta. Osotheela krisinformation.se löytää koottua informasuunia ruottiksi sulle joka tunnet kiusaa.

Tukea jos oon kiusaa oon osotheela: krisinformation.se

Mihinkäs mie käänyn jos mulla oon kysymyksiä?

Jos sie halvaat tietää lissää siittä mitä otethaan ylös prosyrissä niin löytyy lissää informasuunia osotheela: msb.se.

Englantinkielinen webbipaikkaNeuvoja privattihenkilöile (ruottiksi) 

Jos sie et löyä vastauksia sinun kysymykshiin sie saatat ottaa yhtheyttä MSB:n kansa telefoonila 0771-240 240 elikkä e-postila; broschyren@msb.se